ವಿಜ್ಞಾನದ ಸಮಾಜೀಕರಣದಲ್ಲಿ ತೊಡಗಿಸಿಕೊಂಡಿರುವ  ಸಿ.ಪಿ.ಯು.ಎಸ್.‌ ಸಂಸ್ಥೆಯ ಮೂಲಕ, ಇದೀಗ ಬಹುಪಾಲು ಭೂಮಿಯನ್ನು ಆವರಿಸಿರುವ ಕೋವಿಡ್-‌19  ಹಾಗೂ ಅದರಿಂದ ಉಂಟಾಗಿರುವ ಪ್ರಸ್ತುತ ಜಾಗತಿಕ ಆರೋಗ್ಯ, ಆರ್ಥಿಕ, ಸಾಮಾಜಿಕ, ಮಾನಸಿಕ, ಬೌದ್ದಿಕ ಮತ್ತು ವೈಜ್ಞಾನಿಕ  ಬಿಕ್ಕಟ್ಟುಗಳ ಬಗ್ಗೆ ವೈಜ್ಞಾನಿಕ ಹಾಗೂ ಸಾಮಾಜಿಕ ಸಂಗತಿಗಳ ಸಮೀಕರಣದೊಂದಿಗೆ ಕೋವಿಡ್-‌19 ಸರಣಿಯನ್ನು ಪ್ರಸ್ತುತ ಪಡಿಸುತ್ತಿದ್ದೇವೆ.  ಈಗಾಗಲೇ ಹೇಳುತ್ತಿರುವ ಚರ್ವಿತಚವರ್ಣ ವಿಷಯಗಳನ್ನು ಹೊರತು ಪಡಿಸಿ, ನಿಜವಾದ ವೈಜ್ಞಾನಿಕ ಅರಿವು ಯಾವ ಬಗೆಯದು ಹಾಗೂ ವಿಜ್ಞಾನದ ಸಾರ್ವಜನಿಕ ತಿಳಿವಳಿಕೆ ಎಷ್ಟು ಅತ್ಯಗತ್ಯ ಮತ್ತು ಹೊಣೆಗಾರಿಕೆಯುಳ್ಳದ್ದು ಎಂಬುದನ್ನು ಮನವರಿಕೆ ಮಾಡಲು ಈ ಸರಣಿ ರೂಪಿಸುತ್ತಿದ್ದೇವೆ.